Au tans plein de felonie,
D'envie et de traïson,
De tort et de mesprison,
Sanz bien et sans cortoisie,
Et que entre nos barons,
Faisons tot le siecle empirier,
Que je voi escomenïer,
Ceus qui plus offrent reson,
Lor vueil dire une chançon.
Li Roiaumes de Surie,
Nous dit, & crie à haut ton,
Se nos ne nos amendon,
Por Deu, que n’i alons mie,
N’i ferions se mal non :
Dex aime fin cuer droiturier,
De tel gent se veut aidier,
Cil essauceront son nom,
Et conquerront sa maison.
Chançon, va moi dire Lorent,
Qu'il se gart bien outree ment,
De grant folie envahir,
Qu'en li auroit faus mantir.
