לַמְנַצֵּחַ אֶל הַנְּחִילוֹת מִזְמוֹר לְדָוִד:
{ב} אֲמָרַי הַאֲזִינָה יְהוָה בִּינָה הֲגִיגִי:
{ג} הַקְשִׁיבָה לְקוֹל שַׁוְעִי מַלְכִּי וֵאלֹהָי כִּי אֵלֶיךָ אֶתְפַּלָּל:
{ד} יְהוָה בֹּקֶר תִּשְׁמַע קוֹלִי בֹּקֶר אֶעֱרָךְ לְךָ וַאֲצַפֶּה:
{ה} כִּי לֹא אֵל חָפֵץ רֶשַׁע אָתָּה לֹא יְגֻרְךָ רָע:
{ו} לֹא יִתְיַצְּבוּ הוֹלְלִים לְנֶגֶד עֵינֶיךָ שָׂנֵאתָ כָּל פֹּעֲלֵי אָוֶן:
{ז} תְּאַבֵּד דֹּבְרֵי כָזָב אִישׁ דָּמים ומרמה יתעב יהוה:
{ח} ואני ברב חסדך אבוא ביתך אשתחוה אל היכל קדשך ביראתך:
{ט} יהוה נחני בצדקתך למען שוררי (הושר) הישר לפני דרכך:
{י} כי אין בפיהו נכונה קרבם הוות קבר פתוח גרונם לשונם יחליקון:
{יא} האשימם אלהים יפלו ממעצותיהם ברב פשעיהם הדיחמו כי מרו בך:
{יב} וישמחו כל חוסי בך לעולם ירננו ותסך עלימו ויעלצו בך אהבי שמך:
{יג} כי אתה תברך צדיק יהוה כצנה רצון תעטרנו:
